![](https://m6.edu.mk/wp-content/uploads/2024/04/Header-Adizes-FINAL.png)
Talks with Dr. Adizes
На 20.05.2024 се одржа престижниот настан “Talks with Dr. Adizes – inspiration and insights” организиран од М6 Едукативен центар.
На настанот Др. Исак Адижес, глобален експерт за менаџмент и деловна организација, зборуваше за предизвиците и можностите со кои компаниите се соочуваат во турбулентните времиња за бизнис секторот и општеството, како и за што може да преземат организациите за подобро функционирање во такво опкружување.
Настанот преставуваше можност да се стекнат учесниците со вредно знаење од глобален експерт, како и да направат конекции и да споделат искуства со останатите учесници.
Овој настан беше организиран од М6 Едукативниот центар и поддржан од Владата на Швајцарија преку швајцарскиот проект „Образование за вработување“ – Е4Е@мк спроведуван од Хелветас.
Кој е Д-р. Исак Адижес?
![](https://m6.edu.mk/wp-content/uploads/2024/05/isaac-700x1024.jpg)
Др. Исак Адижес е светски познат консултант, автор и академик, по потекло од Македонија. Со повеќе од 50 години искуство, неговата Адижес методологија за менаџмент е рангирана во ТОП 10 методологии во светот. Тој е консултант на голем број од најголемите компании во светот, вклучувајќи ги и Fortune 500 компаниите. Др. Адижес е автор на 27 книги преведени на 33 јазици, а неговите идеи и пристапи се применуваат во повеќе од 1000 организации низ светот.
Роден во Скопје, Македонија, Др. Адижес се преселил во Соединетите Американски Држави каде станал професор на неколку престижни универзитети, вклучувајќи ги UCLA и Stanford. Тој е добитник на награди и почести за неговиот придонес во областа на менаџментот и лидерството. Др. Адижес има богато искуство во ширење на своите идеи во повеќе од 50 земји и е често цитиран во публикации како The Wall Street Journal, Fortune и The New York Times.
Освен успешната консултантска кариера, Др. Адижес е основач на Adizes Institute, меѓународна консултантска фирма која им помага на организациите да ги постигнат нивните цели преку неговата методологија.
Учесниците имаа можност да си ја купат книгата “Управување со корпоративни животни циклуси” од Д-р. Исак Адижес, заедно со нивната влезница.
Во текот на настанот, имаше ексклузивно потпишување на книги, каде што учесниците имаа можност да им бидат потпишани книгите од Д-р. Исак Адижес.
![](https://m6.edu.mk/wp-content/uploads/2024/05/adizes-kniga.png)